НҰР-СҰЛТАН. ҚазАқпарат - Кортрейк қаласында Қазақстан - Бельгия матчы бүгін қайта жалғасты, деп хабарлайды ҚазАқпарат тілшісі.
Дүниежүзілік рейтингте 34-орында тұрған Ю.Путинцева әлемнің 19-ракеткасы Элизе Мертенспен кортқа шықты.
Бірінші партияда бельгиялық теннисші айқын басымдылық көрсетті - 6:1.
Екінші сет әлдеқайда тартысты өрбіді.
Тай-брейкті Мертенс жеңіспен тәмамдады - 7:6 (7:1).
Тартысты бәсеке 1 сағат 45 минутқа созылды.
Осылайша Бельгия құрамасы 2:1 есебімен алға шықты. Енді Зарина Дияс пен Кирстен Флипкенс шеберлік байқасады.
Еске сала кетейік, бұдан бұрын Қазақстанның бір ұпай беріп қойғанын, Путинцеваның таразы басын теңестіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).