НҰР-СҰЛТАН. ҚазАқпарат - Үндістанның Нью-Дели қаласында жасөспірімдер арасында Билли Джин Кинг кубогы іріктеу сайысының жеребесі тартылды, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, іріктеу матчтары 4-9 сәуір күндері өтеді.
Қазақстан қыздар құрамасы D тобында Оңтүстік Корея, Сингапур және Вьетнам командаларымен сынға түседі. Ертең қазақстандықтар оңтүстіккореялықтармен ойнайды.
Қазақстан намысын Айя Нұпбай, Асылжан Арыстанбекова және Карина Жұмаджанова қорғайды. Капитаны - Ярослава Шведова.
Еске сала кетейік, бұдан бұрын қазақстандық теннисшілердің халықаралық жарыстардың финалына шыққанын жазған болатынбыз.
Сондай-ақ 13 жастағы Заңғар Нұрланұлы ҚазАқпаратқа сұхбат беріп, «Үлкен дулыға» турнирінде жеңіске жеткісі келетінін айтқан болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).