НҰР-СҰЛТАН. ҚазАқпарат – Қазақстанның екінші, әлемнің 31-ракеткасы Юлия Путинцева Чарльстон (АҚШ) WTA 500 турнирінің үшінші айналымына шықты, деп хабарлайды ҚазАқпарат тілшісі.
Осы доданың 11-ракеткасы болып тіркелген Ю.Путинцева екінші айналымда дүниежүзілік рейтингіде 88-орында тұрған отандасы Зарина Дияспен кездесті.
Бірінші партияда Путинцева басымдылық таныта білді – 6:2.
Екінші сетте де ол брейкпен алға шықты – 2:0. Юлия матчты тағы бір брейкпен түйіндеді – 6:2.
Қос қазақстандықтың бәсекесі 1 сағат 20 минутқа созылды.
Ю.Путинцева жүлде қоры 565 мың АҚШ долларынан асатын жарыстың ширек финалына шығу үшін әлемнің 13-ракеткасы, испаниялық Гарбинье Мугурусамен таласады. Ол екінші айналымда рейтингіде 159-сатыдағы Польша өкілі Магдалена Фришті 6:1, 6:3 есебімен қиналмай жеңді.
Еске сала кетейік, бұдан бұрын Ю.Путинцеваның Чарльстон турнирінде З.Дияспен өзара кездесетінін, М.Кукушкиннің Испаниядағы Марбельяда жеңіліп қалғанын жазған болатынбыз.
Сондай-ақ Аргентинамен ойнайтын Қазақстан әйелдер құрамасы анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).