НҰР-СҰЛТАН. ҚазАқпарат – Қазақстанның бірінші, әлемнің 39-ракеткасы Юлия Путинцева US Open турнирінің екінші айналымына өтті, деп хабарлайды ҚазАқпарат тілшісі.
Қазақстандық теннисші бастапқы кездесуін дүниежүзілік рейтингте 78-орында тұрған америкалық Мэдисон Бренглмен өткізді.
Ю.Путинцева екі партияда 6:3, 6:3 есебімен жеңіске жетті.
Бәсеке сағат жарымнан астам уақытқа созылды.
Ю.Путинцева екінші айналымда Беларусь елінің өкілдері, әлемнің 13-ракеткасы Арина Соболенко немесе кезінде дүниежүзілік рейтингте көш бастаған, қазір 41-сатыда тұрған Виктория Азаренконың бірімен кездеседі.
Еске сала кетейік, бұдан бұрын Михаил Кукушкин мен Александр Бубликтің US Open турнирінің екінші айналымына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).