АСТАНА. ҚазАқпарат - Қазақстандық, әлемнің 209-ракеткасы Тимофей Скатов Парма 2 (Италия) челленджер турнирінің чемпионы атанды, деп хабарлайды ҚазАқпарат тілшісі.
Қазақстандық теннисші финалда дүниежүзілік рейтингіде 156-орында тұрған словакиялық Йозеф Коваликпен бас жүлдені сарапқа салды.
Т.Скатов 7:5, 6:7 (2:7), 6:4 есебімен жеңіске жетті.
Аса тартысты өткен бәсеке 3 сағаттан астам уақытқа созылды.
Т.Скатов кездесу барысында 11 брейк-пойнттың бесеуін пайдалана білді. Қарсыласы 4 брейкпен көзге түсті.
Еске сала кетейік, бұдан бұрын Елена Рыбакина Чехиядағы турнирдің финалына өте алмағанын жазған болатынбыз.
Сондай-ақ Елена Рыбакина Сан-Диего турнирінде әлемнің бұрынғы бірінші ракеткасымен ойнайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).