НҰР-СҰЛТАН. ҚазАқпарат – Қазақстандық теннисші Жібек Құламбаева жекелей сында Алматы ITF W25 турнирінің финалында жеңіліп қалды, деп хабарлайды ҚазАқпарат тілшісі.
Әлемнің 484-інші, осы жарыстың 6-ракеткасы Жібек Құламбаева финалда дүниежүзілік рейтингте 618-орында тұрған ресейлік Екатерина Маклаковамен бас жүлдені сарапқа салды.
Бірінші партияда ресейлік спортшы басымдылық танытты – 6:4.
Екіншісінде Жібек артығымен есе қайырды – 6:1. Алайда үшінші, шешуші сетте Е.Маклакова жеңісті жұлып әкетті – 6:4.
Осылайша, Ж.Құламбаева жарыстың абсолютті чемпионы атана алмады. Ол кеше ресейлік Екатерина Яшинамен бірге жұптық сында жеңімпаз болған еді.
Еске сала кетейік, бұдан бұрын АҚШ ашық чемпионатында Анна Данилинаның үшінші айналымға шыққанын жазған болатынбыз.
Сондай-ақ Жібек Құламбаева Алматы турнирінің жеңімпазы атанды.
Теннисші Аружан Сағындықова алғаш рет US Open турниріне өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).