АСТАНА. KAZINFORM — Астанадағы Beeline Arena ұлттық теннис орталығында ересектер арасында өтіп жатқан Қазақстан чемпионатында күтпеген нәтиже тіркелді.
Әйелдер арасында 18 жастағы Полина Слепцова жарыстың 2-ракеткасы, WTA рейтингісінде 980-орында тұрған Сандуғаш Кенжебаеваны 6:4, 6:4 есебімен ұтты.
Полина Слепцова жартылай финалда Аружан Сағындықовамен шеберлік байқасады. Аружан ширек финалда Асылжан Арыстанбекованы сүріндірді.
Әлемнің 292-інші, турнирдің 1-ракеткасы Жібек Құламбаева Анастасия Крымкованы қиналмай жеңді — 6:2, 6:2.
Қазақстан қысқы чемпионатының жеңімпазы Іңкәр Дүйсебай Альбина Кәкеновадан өтті — 6:3, 6:2. Енді Жібек пен Іңкәрдің қай жеңгені финалға шығады.
Еске сала кетейік, бұдан бұрын Елена Рыбакинаның Вашингтон турнирінің ширек финалына өткенін жазған едік.
Сондай-ақ Зарина Дияс Португалиядағы турнирдің ширек финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).