ОРАЛ. ҚазАқпарат – Оралда жас жігіт терекке ойып, жүректің суретін салған, деп хабарлайды ҚазАқпарат тілшісі.
Оқиға Хан тоғайында орын алды.
Жігіттің қарағайға ойып, жүректің суретін салған әрекеті әлеуметтік желіде кеңінен тарап, қызу талқыға түсті.
БҚО полиция департаментінің баспасөз қызметі мәлім еткеніндей, табиғатты қорғау полициясының қызметкерлері теректі ойған адамды анықтады. Ол Орал қаласының 1999 жылғы тұрғыны болып шықты.
Тұрғынға ҚР Әкімшілік құқықбұзушылық кодексі 381-1-бабы 2-бөлігіне (ағаштар мен бұталарды заңсыз кесу, жою немесе зақымдау) сәйкес 27 780 теңге көлемінде айыппұл салынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).