Тимофей Скатов Грекиядағы жарыстың ширек финалына жолдама алды

АСТАНА. KAZINFORM – Қазақстандық, әлемнің 182-ракеткасы Тимофей Скатов Херсониссос 2 (Грекия) челленджер турнирінің ширек финалына шықты.

Жарыстың 1-ракеткасы болып тіркелген қазақстандық теннисші екінші айналымда дүниежүзілік рейтингіде 406-орында тұрған ұлыбританиялық Райан Пенистонның мысын басты.

Екі сет те 6:4 есебімен аяқталды.

Екі сағатқа созылған тартысты бәсеке барысында Скатов 2 эйспен бірге 6 брейк-пойнттың бесеуін мүлт жібермеді. Пенистон 3 брейктен (9 брейк-пойнт) аса алмады.

Тимофей Скатов жартылай финалға шығу үшін рейтингіде 376-сатыдағы болгариялық Димитар Кузмановпен таласады. 

Еске сала кетейік, бұдан бұрын АҚШ-тағы турнирде Бублик пен Кукушкиннің қарсыластарынан басым түскенін жазған болатынбыз.