АСТАНА. KAZINFORM - Қазақстандық, әлемнің 277-ракеткасы Тимофей Скатов Барлетта (Италия) челленджер турнирінің жартылай финалына жолдама алды.
Қазақстандық теннисші ширек финалда дүниежүзілік рейтингіде 305-орында тұрған Италия өкілі Риккардо Бонадиомен шеберлік байқасты.
Т.Скатов корт иесін 7:5, 7:5 есебімен ұтты.
Екі сағатқа созылған тартысты матчта Скатов 1 эйспен бірге 8 брейк-пойнттың тең жартысын өз есебіне жазды. Бонадио 1 эйс, 2 брейктен (6 брейк-пойнт) аса алмады.
Тимофей Скатов финалға шығу үшін әлемнің 159-ракеткасы, босниялық Дамир Джумхур немесе рейтингіде 224-сатыдағы тағы бір италиялық Франческо Маэстреллидің қай жеңгенімен таласады.
Еске сала кетейік, бұдан бұрын Магнус Карлсеннің Астанадағы әлем чемпионатына келетінін жазған болатынбыз.
Сондай-ақ Бейбіт Жұқаев Мексикадағы жарысты ширек финалда жалғастырады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).