Қасым-Жомарт Тоқаев Әбделмәжид Теббунды Алжир Халық Демократиялық Республикасының ұлттық мейрамы – Революция күнімен құттықтады.
Президент достық пен өзара түсіністікке негізделген ынтымақтастық қос халықтың игілігі жолында ұдайы дами беретініне сенім білдірді.
Қасым-Жомарт Тоқаев Әбделмәжид Теббунның жауапты қызметіне табыс, ал Алжир халқына құт-береке тіледі.
Айта кетейік, бұған дейін Қасым-Жомарт Тоқаев биыл 5 шілдеде Алжир Президенті Әбделмәжид Теббунды елдің Тәуелсіздік күнімен құттықтаған еді. Мемлекет басшысы жеделхатында Алжирді араб әлеміндегі Қазақстанның сенімді серіктестерінің бірі ретінде атап өткен болатын.