АСТАНА. KAZINFORM — Қазақстанның екінші, әлемнің 67-ракеткасы Юлия Путинцева Токио (Жапония) WTA 500 турнирінің екінші айналымына шықты.
Негізгі жарысқа іріктеу сайыстарынан кейін қосылған қазақстандық теннисші алғашқы айналымда әлемнің 30-ракеткасы, грекиялық Мария Саккаримен сынға түсті.
Қарсыластар осыған дейін өзара төрт рет кездесіп, соның үшеуінде М.Саккари жеңген еді.
Бұл жолы бірінші партияда Ю.Путинцева 6:4 есебімен басымдылық танытты.
Екіншісінде грекиялық спортшы есе қайырды – 6:3.
Үшінші, шешуші сетте Юлия бет қаратпады – 6:1.
Екі сағат жарымға жуық уақытқа созылған тартысты бәсекеде Путинцева 2 эйспен бірге 16 брейк-пойнттың жетеуін өз есебіне жазды. Саккари 10 брейк-пойнттың тең жартысын пайдаланды.
Осылайша, екінші айналымға жолдама алған Юлия Путинцева енді әлемнің 1-ракеткасы, отандасы Елена Рыбакинамен шеберлік байқасады.
Еске сала кетейік, бұдан бұрын Бейбіт Жұқаевтың Сеул турнирінде негізгі жарысқа қосылғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).