Төрехан Сабырхан кәсіпқой бокстағы дебютін сәтті бастады
АСТАНА. KAZINFORM – Қазақстан ұлттық құрамасының боксшысы Төрехан Сабырхан кәсіпқой бокстағы алғашқы жекпе-жегінде жеңіске жетті.
Ол Астанада өтіп жатқан «Battle of the Brave» кәсіпқой бокс кешінде шаршы алаңға шықты. Отандасымыз Чехия өкілі Йиржи Хаукемен (4-6, 2 КО) жұдырықтасты.
Жекпе-жек барысында қазақстандық боксшы айқын басымдылық танытып, үшінші раундта қарсыласын екі рет нокдаунға түсірді. Ал, төреші жекпе-жекті аяқталғанын хабарлап, Төрехан қарсыласын техникалық нокаутпен жеңді.
Еске сала кетсек, Жәнібек Әлімханұлы 5 сәуір күні Астана қаласында кезекті жекпе-жегін өткізіп, чемпиондық белдіктерін қорғайды.
Бұған дейін қазақстандық кәсіпқой боксшы Әлішер Әбдуәлімнің (3-0, 2 КО) үндістандық қарсыласынан басым түскенін хабарлаған едік.
Өкінішке қарай Ақниет Әлімбай кәсіпқой бокста алғаш рет қарсыласына есе жіберді.