— «Трэш-стриминг» ұғымын Қазақстан Республикасының заңнамасына енгізуді орынсыз деп санаймыз. Қолданыстағы заңнамада, атап айтқанда, «Онлайн-платформалар және онлайн-жарнама туралы» Қазақстан Республикасының Заңында «онлайн-платформадағы контент» ұғымы анықталған. Ол аудиовизуалды нысандағы ақпаратты қамтиды және құқыққа қайшы жарияланымдарды (қатыгездікті, зорлық-зомбылықты, порнографияны және т. б. насихаттау) таратуға тыйым салады, — деді ол.
Оның айтуынша, «трэш-стриминг» термині бағалау сипатына ие және нақты заңдық мазмұны жоқ.
— Бұл құқықты қолданудың біржақты болуына әкеп соғуы мүмкін. Нақты құқыққа қайшы әрекеттер үшін жауапкершілік заңнамада қарастырылған. Адам Қылмыстық кодекстің 174-бабы, 274-бабы және Әкімшілік құқық бұзушылық туралы кодекстің 456-2-бабы бойынша жауапқа тартылуы мүмкін, — деп ескертеді Ержан Сәденов.
Министрдің жауабына қосымша берілген ақпаратқа қарағанда, осы жылдың 9 айында ҚК 174-бабы бойынша 72 қылмыстық іс қозғалды.
Оның ішінде 21 іс сотқа жолданды, ҚК 274-бабы бойынша 64 қылмыстық іс тіркеліп, 9-ы сотқа жолданды. Ал ӘҚБтК 456-2-бабы бойынша 124 адам жауапқа тартылды.
Айта кетелік Ержан Сәденов онлайн-ортада суреттік бейнесін заңсыз пайдаланғаны және балағаттағаны үшін азаматтардың шағым беру тәртібін жетілдіру қажет екенін айтқан еді.