ТҮРКІСТАН. ҚазАқпарат- Түркістанға қыдырып келген қызылордалық қонақ 1 млн теңге салынған сөмкесін таксиде ұмытып кетті, деп хабарлайды ҚазАқпарат тілшісі.
Тек көлікті маркасы мен түсін ғана білетін ол ақшасының табылатындығынан үміттенбепті де. Сонда да жақын маңдағы полиция пунктіне барып көмек сұраған. Түркістан қалалық полиция бөлімінің қызметкерлері жедел басқару орталығындағы бейнебақылау камералары арқылы бірнеше сағат ішінде арызданушының сөмкесі қалып кеткен көлікті тапқан. Содан жоғалған сөмке мен ішіндегі ақшаны иесіне қайтарып берді.
«Тәртіп сақшыларына алғыс айтамын. Мен үмітімді үзіп едім. Иманды да ибалы жандар көп екен. Қаражатымды түгел қайтарып берді»- дейді қызылордалық тұрғын.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.