ТҮРКІСТАН. KAZINFORM- Қамау режимімен келіспеген тұтқындар әрекеті салдарынан ұлттық ұланның екі әскери қызметшісі мен ҚАЖД бір қызметкері дене жарақат алды. Оларға медициналық көмек көрсетілді.
Қылмыстық атқару жүйесі комитетінің мәліметінше, қазіргі уақытта жағдай тұрақталған. Аталған факті бойынша ҚР ҚК 428-бабының 3-бөлігі бойынша қылмыстық іс қозғалды.
«Түркістан облысының мекемесінде сотталғандардың бір бөлігі ұстау режимімен келіспеуіне байланысты бағынбаушылығын білдірді. Мекемеде ҚАЖК төрағасы, ҚАЖД және Ұлттық ұланның басшылығы, жеке құрамы, сондай-ақ қадағалау органдары жұмыс істеп жатыр», -делінген ведомства ақпаратында.
Бұған дейін Түркістан облысында оқушы қыз бен анасын өлтіріп кеткенін жазған болатынбыз.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.