Жарысқа 23 елден 240 спортшы қатысты. Чемпионат қорытындысы бойынша Қазақстан құрамасы жалпыкомандалық есепте І орын иеленді.
Ұлттық құрама сапында ҚР ТЖМ BATYR TEAM спорт клубының өкілдері жоғары нәтиже көрсетіп, Азия чемпиондары атанды.
Абдрашит Таиров — «Резерв» РМК филиалының өкілі, 62 келіге дейінгі салмақ дәрежесінде өнер көрсетті;
Арман Төлебай — Мәлік Ғабдуллин атындағы Азаматтық қорғау академиясының курсанты, 57 келіге дейінгі салмақ дәрежесінде үздік атанды.
Бұл жеңіс — Төтенше жағдайлар министрлігі өкілдерінің халықаралық аренадағы жоғары дайындық деңгейі мен спорттық шеберлігінің айқын дәлелі.
Осыған дейін хабарлағанымыздай, Қазақстанның жасөспірімдер құрамасы паделден Азия кубогында алғаш рет қола медаль жеңіп алды.