НҰР-СҰЛТАН. ҚазАқпарат - Бүгін, 21 шілдеде UEFA Чемпиондар лигасы екінші іріктеу сатысындағы Алматының «Қайраты» мен Сербияның «Црвена Звезда» командасымен алғашқы ойынының бірінші кезеңі аяқталды, деп хабарлайды ҚазАқпарат тілшісі.
Бірінші кезеңде қазақстандық клубтың басымдығы байқалып тұрды. Тізгінді өз қолында ұстауға тырысты. Нәтижесінде қарсыластар қақпасында жиі бой көрсетті.
Ойынның 24-минутында «Қайрат» шабуылшысы Хосе Канте бұрыштамадан әуелете тепкен допты баспен қақпаға соғып кетті. Бұдан кейін екі команда тарапынан есепті өзгертетін бірнеше мүмкіндік болған еді.
Сербиялық клуб 1945 жылдың 4 наурызында құрылған. Сербияның 8 мәрте чемпионы атанған. Сондай-ақ, 7 мәрте күміс, 1 мәрте қола жүлдегер атанды. Кейінгі төрт жылда қатарынан чемпион атағына қол жеткізіп келеді.
«Қайрат» «Црвена Звезда» клубынан қос ойынның нәтижесінде жеңген жағдайда жарыстың үшінші сатысында «Алашкерт» (Армения) және «Шериф» (Молдова) жұбының жеңімпазымен кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.