АСТАНА. KAZINFORM — Қазақстанның жұптық сындағы бірінші, әлемнің 6-ракеткасы Анна Данилина Уимблдон турнирінің ширек финалына шыға алмады.
Сербиялық Александра Круничпен бірге жарыстың 3-ракеткасы болып тіркелген қазақстандық теннисші үшінші айналымда эстониялық Ингрид Нил — мексикалық Джулиана Олмосқа тап келді.
Бірінші партияда Анна мен Александра басымдылық таныттты — 7:5 Екіншісінде есеп 3:3 болған мезетте эстониялық-мексикалық дуэт брейк жасап кетті — 6:4.
Үшінші, шешуші партия да дәл осындай есеппен Нил мен Олмостың пайдасына жазылды.
Екі сағат 48 минутқа созылған тартысты бәсекеде Данилина — Крунич 7 эйспен бірге 10 брейк-пойнттың тек біреуін ғана пайдаланды. Қарсылас жұп 2 эйс, 2 брейкпен (6 брейк-пойнт) көзге түсті.
Осылайша, Анна Данилина Уимблдонда жарыс жолын аяқтады.
Еске сала кетейік, бұдан бұрын Уимблдон турнирінде Дамир Жалғасбайдың жарыстың 7-ракеткасын жеңгенін жазған едік.
Юлия Путинцева Швециядағы турнирде алғашқы қарсыласын ұтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).