АСТАНА. KAZINFORM — Қазақстандық теннисші, 18 жастағы Дамир Жалғасбай жасөспірімдер арасында Уимблдон турнирін сәтті бастады.
Дамир бастапқы кездесуін осы жарыстың 7-ракеткасы, аустриялық Тило Берманмен өткізді.
Аустриялық спортшы матчты сәтті бастады — 6:3.
Бұдан кейін Дамир қос бірдей тай-брейкте таразы басын өзіне аудара білді — 7:6 (7:3), 7:6 (10:8).
Тартысты матч 2 сағат 13 минутқа созылды.
Дамир Жалғасбай үшінші айналымға шығу үшін оңтүстікафрикалық Коннор Дойгпен таласады.
Тағы бір қазақстандық Анна Данилина миксте америкалық Джеймс Трейсимен бірге екінші айналымда индонезиялық Алдила Сутджиади — аргентиналық Гвидо Андреоссиге жол берді — 6:7 (6:8), 7:5, 3:6.
Еске сала кетейік, бұдан бұрын Уимблдон турнирінде бес сеттік матчта жеңіске жеткен Александр Бубликтің төртінші айналымға өткенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).