АСТАНА. KAZINFORM – Астанада Ұлттық қауіпсіздік комитеті қызметкерінің қаза болу фактісіне қатысты қылмыстық іс қозғалды. Бұл туралы елордалық Полиция департаментінің баспасөз қызметі хабарлады.
— Мәйіттің табылу фактісі бойынша қылмыстық іс қозғалды. Алдын ала берілген деректер бойынша 42 жастағы ер адам өз пәтерінің терезесінен құлап кеткен.
Қазіргі уақытта орын алған оқиғаның барлық мән-жайы анықталып жатыр, - делінген хабарламада.
Еске сала кетейік, бұған дейін Астанада қаласындағы тұрғын үй кешені ауласынан Ұлттық қауіпсіздік комитеті қызметкерінің денесі табылғаны туралы жазған едік.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.