Футболдан Қазақстан әйелдер құрамасының УЕФА Ұлттар лигасы топтық кезеңі аясындағы өз алаңындағы алдағы екі ойыны қай алаңда өтетіні белгілі болды, деп хабарлайды Kazinform.
Қазақстандық футболшылар УЕФА Ұлттар лигасының топтық кезеңінің қорытынды екі ойынында 1 және 5 желтоқсанда Эстония және Армениямен кездеседі.
Екі ойын да «Астана Арена» стадионында өтеді.
Эстонияға қарсы матч 1 желтоқсанда Астана уақытымен 20:00-де басталады.
Ал 5 желтоқсанда Арменияға қарсы матч жоспарланған. Ойынның басталуы – 21:00-де.
Екі кездесуді де Qazsport телеарнасы көрсетеді.
Еске салсақ, төрт турдан кейін Қазақстан құрамасы 5 ұпаймен үшінші орында келе жатыр. Бұған дейін ел құрамасы Эстония (0:0), Армения (2:1) және Израильге (0:2, 0:0) қарсы ойнады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.