АСТАНА. ҚазАқпарат – Футболдан Хорватия құрамасы UEFA Ұлттар лигасы финалына берілген алғашқы жолдамаға ие болды, деп хабарлайды ҚазАқпарат тілшісі.
Хорватиялық футболшылар жартылай финалда Нидерланд құрамасымен шеберлік байқасты.
Ойынның негізгі кезеңінде құрамалар 2:2 есебіне қанағат білдірді.
Нидерланд сапынан Дониэлл Мален – 34, Ноа Ланг 96-минутта мергендік танытса, оған хорватиялық Андрей Крамарич – 55, Марио Пашалич 72-минутта екі голмен жауап қайырды.
Ал қосымша кезеңде Бруно Петкович – 98, Лука Модрич 116-минутта пенальтиден соққан голы қорытынды есепті белгіледі.
Осылайша, Хорватия қарсыласынан 4:2 есебімен басым түсіп, финалға шықты.
Енді маусымның 15-нен 16-на қараған түні Испания мен Италия жартылай финал ойынын өткізеді.
Ал үшінші орын үшін ойын мен финал 18 маусымға белгіленген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.