Бұл шешім республика президенті мен төменгі палата спикерінің қатысуымен өткен үкіметтің кезектен тыс отырысында қабылданды.
Бұған дейін хабарлағанымыздай, 21 желтоқсан күні кешке Прагада орналасқан Карлов университетінде 24 жастағы студент қарудан оқ жаудырды. Ол оқу орнына өздігінен оқталатын винтовкамен келіп, аудиториядағы студенттер мен терезе түбінде жүрген адамдарға оқ ата бастады.
Салдарынан 14 адам қаза тапты, тағы 25-і жарақат алды. Дәрігерлердің сөзінше, 11 адамның жағдайы ауыр. Полиция мәліметінше, қарулы студенттің көзі жойылды. Кейбір БАҚ-тың жазуынша, қайғылы оқиғада 15 адам көз жұмған.