Сауда-саттық деректеріне сәйкес, Brent маркалы мұнайдың қаңтар айындағы фьючерстері барреліне 99,71 доллар болды. Баға 1,42 долларға немесе 1,44%-ға өсті.
Америкалық WTI маркалы мұнай фьючерстері барреліне 91,46 доллар деңгейінде саудаланды. Оның бағасы 0,94 долларға немесе 1,04%-ға көтерілді.
Ал ресейлік Urals маркалы мұнайдың құны барреліне 85,39 долларға дейін төмендеді.
Соңғы сауда сессияларында мұнай бағасының өскеніне қарамастан, апта қорытындысы бойынша баға айтарлықтай төмендеді.
Мұнай нарығына Таяу Шығыстағы шиеленістің бәсеңдеуі мүмкін деген болжамдар қысым жасауы ықтимал.
Бұған дейін АҚШ Конгресіне өткен сайлау қорытындысы жарияланғаннан кейін мұнай бағасы күрт төмендеген еді. Сайлау нәтижесінде Республикалық партия өз позициясын жоғалтып, Демократиялық партия Өкілдер палатасы мен Сенаттағы бақылауды өз қолына алды.
Еске салсақ, 5 қарашада әлемдік мұнай бағасы төмендегенін жаздық.