5 қарашада әлемдік мұнай бағасы төмендеді
АЛМАТЫ. KAZINFORM — Бейсенбі күні әлемдік мұнай бағасы төмендеуін жалғастырды.
Таңертеңгі сауда қорытындысы бойынша WTI маркалы мұнай фьючерстерінің бағасы 1,24 долларға немесе 1,41%-ға төмендеп, барреліне 86,88 доллар болды.
Oilprice.com мәліметінше, Brent маркалы мұнай 0,89 долларға немесе 0,94%-ға арзандап, барреліне 93,73 доллар болды.
Ал ресейлік Urals маркалы мұнайдың бағасы керісінше 1,13 долларға немесе 1,24%-ға өсіп, барреліне 92,16 долларға жетті.
Мұнай бағасының төмендеуіне АҚШ-тағы аралық сайлаудың аяқталуы және Таяу Шығыстағы қақтығыстың тоқтауы мүмкін деген үміт әсер етті. NBC News болжамынша, Демократиялық партия АҚШ Конгресінің Өкілдер палатасы мен Сенатындағы басымдыққа ие болады.
Бұған дейін Қытайдың Иран және Сауд Арабиясымен Ормуз бұғазын ашу мәселесін талқылап жатқаны хабарланған еді. Тараптар халықаралық энергетикалық ресурстар жеткізілімін қамтамасыз ету және жаһандық қауіпсіздікті сақтау үшін Таяу Шығыстағы тұрақтылықтың маңызын атап өтті.
Еске салсақ, 4 қарашада Urals мұнайы бір күнде 10 долларға арзандаған еді.
