АСТАНА. KAZINFORM — Қазақстандық теннисші Александр Бублик жұптық сында АҚШ ашық чемпионатының екінші айналымына шықты.
Қазақстандық теннисші қытайлық Цзюнчэн Шанмен бірге бастапқы айналымда аргентиналық Себастьян Баэс — мажарстандық Фабиан Марожанмен кездесті.
Матч 6:2, 6:4 есебімен қазақстандық-қытайлық жұптың пайдасына шешілді.
Бәсеке небәрі 56 минутта аяқталды.
Александр Бублик қытайлық теннисшімен бірге үшінші айналымға шығу үшін аргентиналық Гвидо Андреоцци — франциялық Мануэль Гинармен таласады.
Еске сала кетейік, бұдан бұрын АҚШ ашық чемпионатында Елена Рыбакина үшінші айналымға жолдама алғанын жазған едік.
Сондай-ақ Анна Данилина жұптық сында екінші айналымға өтті.
Александр Бублик төртінші айналымнан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).