АСТАНА. KAZINFORM - Қазақстандық спортшы Алан Құрманғалиев үстел теннисінен Тунистегі WTT Youth Contender халықаралық турнирінің 1/8 финалында өнер көрсетеді. Бұл туралы Ұлттық олимпиадалық комитеттің баспасөз қызметі хабарлады.
Отандасымыз топтық кезеңді сәтті аяқтап, негізгі жарысқа жолдама алған болатын. Ол 1/16 финалдық кезеңін автоматты түрде өткізіп, 1/8 финалға жолдама алды.
Ширек финалға шығу үшін Алан польшалық Артур Громекамен шеберлік байқасады.
Еске сала кетейік, бұған дейін қазақстандық теннисші Анна Данилинаның аралас жұпта Аустралия ашық чемпионатының екінші айналымына шыққанын хабарлаған едік.
Абылайхан Жұмашев
1993 жылы 15 қарашада Атырау облысы Индер ауданында дүниеге келген.
Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.