ТАЛДЫҚОРҒАН. KAZINFORM – «Жетісу» клубы Талдықорған қаласында волейболдан ерлердің ұлттық лига командалары арасында өтіп жатқан Қазақстан чемпионатының үшінші турын сәтті бастады.
Сейсенбі күнгі соңғы ойында Марат Адрышевтің шәкірттері өткен жылғы күміс жүлдегер «Павлодар» командасымен кездесті.
Алғашқы екі кезеңде павлодарлықтар 25:16, 25:17 есебімен басым түсті. Алайда бұдан кейін «Жетісу» жинақы ойнап, камбэк жасай білді – 25:16, 25:23, 15:11. Қорытынды есеп – 3:2.
Осылайша, ұпай санын 26-ға жеткізген талдықорғандықтар турнир кестесіндегі үшінші орнын сақтап қалды.
Сәрсенбі күні «Буревестник» - «Жайық», «Есіл» (СҚО) – «Ұшқын-Көкшетау», «Атырау» - «Ақтөбе», «Тараз» - «Жетісу» командалары өзара шеберлік байқасады.
Еске сала кетейік, бұдан бұрын Талдықорғанда волейболдан Қазақстан чемпионатының үшінші туры басталатынын жазған едік.
«Буревестник» тартысты матчта «Ақтөбені» ұтты.
«Жайық» жеңіс сериясын 11 матчқа жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).