АСТАНА. KAZINFORM — Таиландта 18 жасқа дейінгі қыздар командалары арасындағы волейболдан Азия чемпионатында Қазақстан құрамасы өз тобындағы соңғы кездесуін өткізді.
Бұл жолы Владимир Аниконовтың шәкірттері В тобында фавориттердің бірі — Қытай құрамасымен ойнады.
Қытайлықтар 3:0 (25:15, 25:5, 25:10) есебімен айқын басымдылықпен жеңіске жетті.
Соған қарамастан, Қазақстан қыздар командасы өз тобында 6 ұпай жинап, екінші орынмен плей-офф кезеңіне жолдама алды.
Қазақстандықтардың ширек финалдағы қарсыласы кейін анықталады.
Еске сала кетейік, бұдан бұрын Қазақстан қыздар құрамасының волейболдан Азия чемпионатын жеңіспен бастағанын жазған едік.
Сондай-ақ волейболдан Азия чемпионатында Қазақстан қыздар құрамасы қатарынан екінші жеңісіне қол жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).