АСТАНА. KAZINFORM - Таиландта 18 жасқа дейінгілер арасында волейболдан Азия чемпионатының ширек финалдық бәсекелері аяқталды.
Қазақстан қыздар құрамасы Оңтүстік Корея командасымен жартылай финал жолдамасын сарапқа салды.
Бірінші партияда есеп 24:19 болған мезетте қазақстандықтар бес бірдей сетболды пайдалана алмады - 24:26.
Екінші сетте оңтүстіккореялықтар 25:19 есебімен басым түсті.
Владимир Аниконовтың шәкірттері үшінші партияны өз есебіне жазды - 25:21. Бірақ одан әріге шамасы жетпеді - 16:25.
Қорытынды есеп - 3:1, Оңтүстік Кореяның пайдасында.
Осылайша, Қазақстан қыздар құрамасы жүлделі орындарға таласу мүмкіндігінен айырылды.
Еске сала кетейік, бұдан бұрын волейболдан Азия чемпионатында Қазақстан қыздар құрамасы плей-офф кезеңіне шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).