АСТАНА. KAZINFORM — Таиландта волейболдан 18 жасқа дейінгілер арасында Азия чемпионатында Қазақстан құрамасы кезекті ойынын өткізді.
Жартылай финалға шыға алмағанымен, 5-8 орындар үшін таласып жатқан Владимир Аниконовтың шәкірттері Индонезиямен шеберлік байқасты.
Бірінші партияда индонезиялықтар 25:17 есебімен басымдылық көрсетті.
Екінші және үшінші сетті Қазақстан өз есебіне жазды – 25:23, 2517.
Төртіншісінде Индонезия таразы басын теңестірді – 25:21.
Шешуші, бесінші партияда қазақстандық қыздар жеңісті жұлып алды – 15:13. Қорытынды есеп – 3:2.
Ертең Қазақстан құрамасы Вьетнаммен шеберлік байқасады.
Еске сала кетейік, бұдан бұрын волейболдан Азия чемпионатында Қазақстан қыздар құрамасы жартылай финалдан тыс қалғанын жазған едік.
Сондай-ақ волейболдан қазақстандық төреші Азияда үздік шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).