АСТАНА. KAZINFORM — Филиппиннің Кандон қаласында волейболдан әйелдер командалары арасында өтіп жатқан Азия кубогы додасында Қазақстан құрамасы қола жүлде үшін сынға түсті.
Асқар Шалқыбековтің шәкірттері Вьетнам құрамасымен үшінші орынды сарапқа салды.
Топтық бәсекеде қазақстандықтар Вьетнамды 3:2 есебімен жеңген еді.
Жартылай финалда Қазақстан командасы Тайбэйге есе жіберсе, вьетнамдық волейболшылар Оңтүстік Кореядан ұтылып қалды.
Бұл жолы Вьетнам құрамасы есе қайырып, 3:0 (25:17, 25:12, 25:19) есебімен жеңіске жетті.
Осылайша, қазақстандықтар Азия кубогын жүлдесіз аяқтап, төртінші орынға ие болды.
Еске сала кетейік, бұдан бұрын Қазақстан құрамасының волейболдан Азия кубогының қола жүлдесіне таласатынын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).