АСТАНА. KAZINFORM — Қытайдың Ханчжоу қаласында волейболды отырып ойнаудан өтіп жатқан Азия чемпионатында Қазақстан құрамасы финалға жолдама алды.
Қазақстандықтар жартылай финалда Таиланд құрамасымен шеберлік байқасты.
Бауыржан Тахауовтың шәкірттері айқын басымдылық танытып, 3:0 (25:15, 25:15, 25:5) есебімен жеңіске жетті.
Екінші жартылай финалда Қытай Жапонияны 3:1 есебімен қапы қалдырды.
Қазақстан құрамасының бас бапкері Бауыржан Тахауовтың айтуынша, ертең Қытаймен финалдық матч Қазақстан уақытымен сағат 13.00-де басталады.
Осыған дейін қазақстандық параволейболшылар Азия біріншілігінде финалға дейін жеткен еді.
Еске сала кетейік, бұдан бұрын волейболды отырып ойнаудан Қазақстан құрамасының Азия чемпионатының жартылай финалына шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).