АСТАНА. KAZINFORM - Волейболды отырып ойнаудан Қазақстан ұлттық құрамасы Жапонияда өтіп жатқан V Азия Пара ойындарының финалына жолдама алды.
Бауыржан Тахауов жаттықтыратын қазақстандық параволейболшылар жартылай финалда Ирак құрамасымен кездесті.
Алғашқы екі партияда Ирак командасы 27:25, 25:21 есебімен басым түсті. Дегенмен бұдан кейін қазақстандықтар ойын тізгінін қолына алып, камбэк жасай білді - 25:13, 25:15, 15:8.
Қорытынды есеп - 3:2, Қазақстанның пайдасында.
Осылайша, қазақстандық параволейболшылар алтын жүлде үшін таласуға мүмкіндік алды.
Еске сала кетейік, бұдан бұрын қазақстандық параволейболшылардың Азия ойындарының жартылай финалына жолдама алғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).