НҰР-СҰЛТАН. ҚазАқпарат - Қазақстандық, әлемнің 32-ракеткасы Юлия Путинцева Будапешт WTA 250 турнирінің ширек финалына шықты, деп хабарлайды ҚазАқпарат тілшісі.
Қазақстандық теннисші екінші айналымда дүниежүзілік рейтингте 125-орында тұрған бразилиялық Лаура Пегоссимен кездесті.
Бірінші партияда Юлия 3:0 есебімен алға шыққанымен, қарсыласына есе жіберіп қойды - 4:6.
Содан кейін ойын тізгінін өз қолына алды - 6:1, 6:2.
Екі сағат 16 минутқа созылған кездесуде Путинцева 1 эйс жасап, 12 брейк-пойнттың тең жартысын пайдалана білді.
Ю.Путинцева жартылай финалға шығу үшін әлемнің 97-ракеткасы, украиналық Леся Цуренкомен таласады. Ол аса тартысты матчта ресейлік Камилла Рахимовадан басым түсті - 6:7 (1:7), 6:4, 7:5.
Еске сала кетейік, бұдан бұрын Александр Бубликтің Ньюпорт турнирінің ширек финалына шыққанын жазған болатынбыз.
Сондай-ақ қазақстандық теннисші Швециядағы жарыстың жартылай финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).