АСТАНА. KAZINFORM — Қазақстанның екінші, әлемнің 82-ракеткасы Юлия Путинцева Ухань (Қытай) WTA 1000 турнирінің іріктеу сайысының финалында өнер көрсетті.
Қазақстандық теннисші әлемнің 73-ракеткасы, америкалық Эшлин Крюгермен шеберлік байқасты.
Бірінші партияда Юлия 4:0 есебімен алға кетті. Сосын тағы бір брейкпен түйіндеді - 6:1.
Екінші сетте де Путинцева 3:0 есебімен алға шықты. Крюгер есепті қысқартқанымен, қазақстандық теннисші мүмкіндігін жібермеді - 6:3.
Бір сағат 17 минутқа созылған бәсекеде Путинцева 1 эйспен бірге 10 брейк-пойнттың тең жартысын өз есебіне жазды. Крюгер 4 эйс, 1 брейкпен (2 брейк-пойнт) көзге түсті.
Осылайша, Юлия Путинцева 12 қазанда басталатын негізгі жарысқа жолдама алды. Оның келесі қарсыласы кейін анықталады.
Еске сала кетейік, бұдан бұрын Александр Бубликтің Шанхай мастерс турнирінің үшінші айналымына өткенін жазған едік.
Сондай-ақ Юлия Путинцева Қытайдағы жарысты жеңіспен бастады.
Жібек Құламбаева Түркиядағы турнирдің финалынан тыс қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).