АСТАНА. KAZINFORM — Қазақстанның екінші, әлемнің 77-ракеткасы Юлия Путинцева (Франция) WTA 125 турнирінің ширек финалына жолдама алды.
Қазақстандық теннисші челленджер жарысының екінші айналымында рейтингіде 152-орындағы украиналық Виктория Подрезбен шеберлік байқасты.
Бірінші партия 6:4 есебімен Юлияның пайдасына шешілді. Ол екінші сетте қарсыласына тіпті бірде-бір гейм берген жоқ – 6:0.
Бір сағат 10 минутқа созылған бәсекеде Путинцева 2 эйспен бірге 6 брейк-пойнттан шашау шығарған жоқ. Подрез 1 эйс, 2 брейктен (6 брейк-пойнт) аса алмады.
Юлия Путинцева жартылай финалға шығу үшін франциялықтар, әлемнің 108-ракеткасы Диан Парри немесе рейтингіде 277-сатыдағы Хлоэ Пакенің қай жеңгенімен таласады.
Еске сала кетейік, бұдан бұрын Александр Шевченконың Франциядағы жарысты сәтті бастағанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).