Юлия Путинцеваның Чарльстон турниріндегі қарсыласы анықталды

АСТАНА. KAZINFORM – АҚШ-та 30 наурыз – 5 сәуір аралығында өтетін Чарльстон WTA 500 турнирінің жеребесі тартылды.

Қазақстанның екінші, әлемнің 75-ракеткасы Юлия Путинцева алғашқы айналымда WTA рейтингісінде 111-орында тұрған жаңазеландиялық Лулу Сунмен ойнайды.

Егер оны жеңген жағдайда әлемнің бесінші, осы жарыстың 1-ракеткасы, америкалық Джессика Пегулаға тап болады.

Әлемдік рейтингіде 11-орындағы ресейлік Екатерина Александрова доданың 2-ракеткасы болып тіркелген.

Өткен жылы мұнда финалда отандасы Софья Кенинді 6:3, 7:5 есебімен жеңген Д.Пегула үздік шыққан еді. Ал Ю.Путинцева үшінші айналымнан аса алмаған болатын.

Бұл Ю.Путинцева үшін 10-11 сәуірде Билли Джин Кинг кубогы аясында Астанада өтетін Қазақстан – Канада матчы алдындағы соңғы жарыс болмақ.

Еске сала кетейік, бұдан бұрын Жібек Құламбаеваның Үндістандағы турнирде жұптық сында үздік шыққанын жазған едік.

Сондай-ақ Жібек Құламбаева Үндістандағы турнирдің абсолютті жеңімпазы атанды.