НҰР-СҰЛТАН. ҚазАқпарат – Қазақстандық теннисшілердің бүгін жаңартылған әлемдік рейтингіндегі орындары белгілі болды, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, ерлер арасында еліміздің бірінші ракеткасы Александр Бублик 35-тен 34-орынға көтерілді.
Осылайша А.Бублик дүниежүзілік рейтингідегі өзінің үздік нәтижесін қайталап отыр.
Тимофей Скатов 269-дан 266-ға жоғарылады. Бұл оның рекордтық көрсеткіші болып табылады.
Керісінше Михаил Кукушкин 147-ден 159-ға сырғыды.
Дмитрий Попко 161-ден 162-ге ауысты.
Бейбіт Жукаев 760-тан 746-орынға жайғасты.
Әйелдер арасында Қазақстанның бірінші ракеткасы Елена Рыбакина 17-ден 19-ға сырғыды.
Юлия Путинцева 44-орнында қалса, Зарина Дияс 104-тен 100-сатыға көтерілді. Сөйтіп Зарина үздік жүздікке қайта оралды.
Еске сала кетейік, бұдан бұрын Жібек Құламбаеваның Қарағандыдағы турнирдің чемпионы атанғанын, Зарина Диястың АҚШ-тағы турнирдің финалында есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).