НҰР-СҰЛТАН. ҚазАқпарат – Жағажай футболынан Қазақстан ұлттық құрамасы Еуролиганың топ-дивизионына өтті, деп хабарлайды ҚазАқпарат тілшісі.
Молдова астанасы Кишиневте Болат Әленов жаттықтыратын қазақстандықтар өз тобында соңғы матчта Грекия құрамасымен шеберлік байқасты.
Алдымен 13-минутта Грекия сапынан Скоуртас есеп ашты. 29-минутта Роман Богданов таразы басын теңестірді. Он минуттан кейін Катсоулис грекиялықтарды қайта алға шығарды. Дегенмен 42-минутта Станислав Макагон мергендік танытты – 2:2.
Ойыннан кейінгі пенальти сериясында Қазақстан құрамасы жеңіске жетті – 4:3.
Осылайша, Б.Әленовтің шәкірттері алдағы жылы Еуролиганың «А» дивизионында ойнауға жолдама алды.
Еске сала кетейік, бұдан бұрын Қазақстан құрамасының жағажай футболынан Еуролига-2022 турнирін ірі жеңіспен бастағанын жазған болатынбыз.
Қазақстан құрамасы екінші рет жеңіске жетті.
Сондай-ақ «Қызылжар» - «Ақжайық» матчы Петропавлдан елордаға ауыстырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).