АСТАНА. KAZINFORM – Ресейдің Красноярск қаласында өткен Иван Ярыгин атындағы халықаралық турнирде Қазақстан әйелдер құрамасы 1 алтын, 2 күміс медаль олжалады.
Қазақстан күрес федерациясының баспасөз қызметінен мәлім еткеніндей, 2026 жылдың алғашқы ресми бәсекесінде 72 келі салмақ дәрежесінде Жәмилә Бақбергенова жеңімпаз атанды.
Жәмилә қарсыластарын айқын басымдықпен жеңіп, алтын жүлдеге ие болды.
Сонымен қатар Лаура Алмағанбетова (55 кг) және Виктория Хусаинова (59 кг) тек соңғы белдесуде ғана есе жіберіп, күміс жүлдемен марапатталды.
Еске сала кетейік, бұдан бұрын Жәмилә Бақбергенованың Мажарстандағы турнирде күміс медаль алғанын жазған едік.
Сондай-ақ Данияр Қайсанов еркін күрестен Қазақстан құрамасының бас бапкері болып тағайындалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).