АСТАНА. KAZINFORM – WBO және IBF нұсқасы бойынша орта салмақтағы әлем чемпионы Жәнібек Әлімханұлы алдағы жекпе-жегі жайында мәлімдеме жасады.
Шетелдік инсайдер көздерінің ақпараты бойынша былғары қолғап шебері 6 желтоқсанда WBA белбесуін жеңіп алу үшін кубалық Эрисланди Ларомен қолғап түйістіреді. «Kazakh style» атанған Жәнібек бірнеше айдан кейін рингке қайта оралуды мақсат етіп отыр.
Қазіргі уақытта Жәнібек АҚШ-та алдағы айқасына дайындығын бастап кетті. Ол жекпе-жектің сәтті өтетініне толық сенімді екенін жеткізді.
– Жақында... жеңіл жұмыс, - деп жазды Жәнібек Х әлеуметтік желідегі парақшасында.
Алдағы жекпе-жек Жәнібек Әлімханұлы үшін 2025 жылдағы өткізген екінші айқасы болмақ. Астана қаласында сәуір айында өткен жекпе-жекте ол франциялық Анауэля Нгамиссенгені нокаутқа жіберген еді.
Бұған дейін Жәнібек Әлімханұлының үш белбеу сарапқа салынатын тарихи жекпе-жекке қол қойғанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.