Жәнібек Әлімханұлы қарсыласын нокаутпен жеңді
09:20, 10 Қараша 2019
НҰР-СҰЛТАН. ҚазАқпарат –Қазақстандық боксшы Жәнібек Әлімханұлы (7-0, 3 КО) қарсыласын нокаутпен жеңді, деп хабарлайды ҚазАқпарат Sports.kz сілтеме жасап.
Титулдық жекпе-жекте алтыншы раундта техникалық нокаутпен аяқталды.
Жәнібек Әлімханұлы кезекті жекпе-жегін Фресно қаласында (Калифорния, АҚШ) 39 жастағы канадалық боксшы Альберт Онолуносқа қарсы өткізді.26 жастағы қазақстандық боксшы өзінің орта салмақтағы WBC Continental Americas титулын қорғап қалды.
Еске салсақ, ол соңғы жекпе-жегін 17 тамызда Лос-Анджелесте өткізді. Бесінші раундта канадалық Стюарт МакЛелланды нокаутқа жіберіп, WBC Continental America және WBO Global орташа салмақ дәрежесін қорғаған болатын.