АСТАНА. KAZINFORM — Тынық мұхитында, Жапонияның Огасавара аралдары маңында магнитудасы 7,0 болатын жер сілкінісі тіркелді, деп хабарлайды Kazinform агенттігі Синьхуаға сілтеме жасап.
Жапония метеорологиялық агенттігінің мәліметінше, жергілікті уақыт бойынша сағат 11:10 шамасында Огасавара аралдарының батысында жер сілкінген.
Жер сілкінісінің эпицентрі солтүстік ендіктің 28 градусы мен шығыс бойлықтың 139,9 градусы аралығында орналасқан.
Жерасты дүмпуінің ошағы шамамен 470 шақырым тереңдікте болған.
Мамандардың хабарлауынша, жер сілкінісінен кейін цунами қаупі туындаған жоқ.
Бұған дейін Жапонияның Кюсю аралының оңтүстік-шығыс жағалауында магнитудасы 5,3 болатын жер сілкінісі тіркелгенін хабарланған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.