Жерасты дүмпулері жергілікті уақыт бойынша таңғы сағат 7:30-да 50 шақырым тереңдікте тіркелді. Жапония метеорологиялық агенттігінің хабарлауынша, цунами қаупі жоқ.
Операторлар Аомори префектурасындағы Хигасидори АЭС. Мияги префектурасындағы Онагава АЭС және Фукусима префектурасындағы Фукусима-Дайити және Фукусима-Дайни АЭС-те ешқандай бұзылулар болмағанын растады. Аомори префектурасындағы пайдаланылған ядролық отынды басқару нысандары да қалыпты жұмыс істеп тұр.
Аомори префектурасындағы Хасикамэ қаласында тербеліс қарқындылығы Жапонияның жеті балдық шкаласы бойынша 6 балдық жоғарғы деңгейге, ал Хатинохэде 6 балдық төменгі деңгейге жетті. 6 балдық жоғары деңгей қолды пайдаланбай қозғалу мүмкін емес екенін және бекітілмеген жиһаздың көбі орнынан қозғалатынын білдіреді. Жерасты дүмпуін Хоккайдо, Акита, Фукусима, Мияги, Ямагата, Токио және көршілес префектуралардың тұрғындары да сезінді.
Жер сілкінісінен кейін JR East Токио мен Син-Аомори станциялары арасындағы Тохоку желісіндегі пойыздардың синкансэн қызметін тоқтатты.
Премьер-министр Санаэ Такайти үкіметтің зілзала салдарын бағалау үшін ақпарат жинап жатқанын хабарлап, зардап шеккен аудандардың тұрғындарын ықтимал афтершоктарға байланысты сақ болуға шақырды.
Осыған дейін Жапонияда 6,9 балдық жер сілкінісі болғанын хабарладық.