АСТАНА. KAZINFORM — Әйелдер теннисі қауымдастығы (WTA) жекелей және жұптық сында жаңартылған рейтингіні жария етті.
Өткен аптада Нави-Мумбай (Үндістан) ITF W50 турнирінің ширек финалына дейін жеткен Жібек Құламбаева әлемдік рейтингіде 337-ден бірден 314-орынға көтерілді.
Зарина Дияс 385-тен 383-ке ауысты.
Қазақстанның бірінші ракеткасы Елена Рыбакина алтыншы, Юлия Путинцева 29-орнында қалды.
Жұптық сында Ю.Путинцева 111-ден 110-ға ауысса, Ж.Құламбаева 150-сатыда тұр.
Жібек Құламбаева Қазақстан құрамасы сапында 27 желтоқсан — 5 қаңтар аралығында Аустралияның Сидней және Перт қалаларында өтетін United Cup турнирінде өнер көрсетеді.
Еске сала кетейік, бұдан бұрын Елена Рыбакинаның Дубайдағы әлемдік турнирде жеңімпаз атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).