АСТАНА. KAZINFORM — Әйелдер теннисі қауымдастығы (WTA) жаңартылған рейтингіні жария етті.
Страсбургте WTA 500 турнирінде чемпион атанған Қазақстанның бірінші ракеткасы Елена Рыбакина 12-ден 11-орынға көтерілді.
Юлия Путинцева 32-ден 31-ге ауысты.
Куршумлия-Баня (Сербия) ITF W75 турнирінде жартылай финалға дейін жеткен Жібек Құламбаева 337-ден бірден 309-ға ( 28) жоғарылады.
Зарина Дияс 275-тен 276-ға төмендеді.
Әлемде жекелей сында бұрынғыша Беларусь өкілі Арина Соболенко алдына жан салмаса, америкалықтар Кори Гауфф екінші, Джессика Пегула үшінші сатыда тұр.
Жұптық сында Қазақстанның бірінші ракеткасы Анна Данилина 18-ден 17-ге, Ж.Құламбаева 116-дан 115-ке шықса, Ю.Путинцева 70-тен 73-ке түсіп қалды.
Бүгін Елена Рыбакина Ролан Гаррос турнирінде бастапқы кездесуін дүниежүзілік рейтингіде 202-орында тұрған аргентиналық Хулия Риерамен өткізеді.
Еске сала кетейік, бұдан бұрын Елена Рыбакинаның WTA чемпиондық кестесінде үздік сегіздікке енгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).