АСТАНА. KAZINFORM — Қазақстандық Жібек Құламбаева жұптық сында Весбаден (Германия) ITF W100 турнирінің финалына өтті.
Қазақстандық теннисші латвиялық Дарья Семенистаямен бірге жартылай финалда ресейлік Виталия Дьяченко – жапониялық Нао Хибиномен бетпе-бет келді.
Бірінші партияда ресейлік-жапониялық дуэт басымдылық танытты – 6:3.
Екіншісінде Ж.Құламбаева – Д.Семенистая есе қайырды – 6:4. Содан кейін супер тай-брейкте таразы басын аудара алды – 11:9.
Бәсеке 1 сағат 28 минутқа созылды.
Жібек Құламбаева – Дарья Семенистаяның финалдағы қарсыластары кейін белгілі болады.
Латвиялық теннисші бір күнде екі матч өткізіп, жекелей сында да камбэк жасап, чехиялық Тереза Валентовадан басым түсті – 5:7, 6:2, 6:2. Сөйтіп ол жекелей сында жартылай финалға жолдама алды.
Еске сала кетейік, бұдан бұрын Григорий Ломакиннің Қытайдағы турнирдің финалына жолдама алғанын жазған едік.
Сондай-ақ Аружан Сағындықова Шымкенттегі турнирдің финалында ойнайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).