АСТАНА. KAZINFORM — Қазақстан ұлттық құрамасының мүшесі Жібек Құламбаева жұптыұ сында Сопо (Колумбия) челленджер турнирінің финалына жолдама алды.
Қазақстандық теннисші словениялық Вероника Эрьявецпен бірге ширек финалда аустралиялықтар Теника Макгиффин — Александра Осборнды 6:2, 6:2 есебімен тізе бүктірді.
Қазақстандық-словениялық дуэт жартылай финалда жарыстың 2-ракеткалары, америкалықтар Рашида Макаду — Анна Роджерске қарсы келді.
Ж.Құламбаева — В.Эрьявец 6:1, 7:5 есебімен жеңіске жетті.
Бір сағат 17 минутқа созылған бәсеке барысында Жібек пен Вероника 13 брейк-пойнттың жетеуін пайдаланды. Америкалық жұп 3 брейкпен (10 брейк-пойнт) көзге түсті.
Осылайша, Жібек Құламбаева — Вероника Эрьявец финалда бас жүлде үшін таласады.
Олардың қарсыласы кейін анықталады.
Еске сала кетейік, бұдан бұрын Швециядағы турнирде Александр Шевченконың жеңіс сериясы тоқтағанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).